ರಾಜ್ಯದಲ್ಲಿ ಕಾಂಗ್ರೆಸ್ ಸರ್ಕಾರ ಸತ್ತಿದೆ: ಶಾಂತಗೌಡ ಪಾಟೀಲ

ಬಾಗಲಕೋಟೆ: ಸರ್ಕಾರ ನೆರೆ ಪರಿಹಾರ ತಕ್ಷಣವೇ ಬಿಡುಗಡೆಗೊಳಿಸಬೇಕೆಂದು ಬಿಜೆಪಿ ಜಿಲ್ಲಾಧ್ಯಕ್ಷ ಶಾಂತಗೌಡ ಪಾಟೀಲ ಆಗ್ರಹಿಸಿದ್ದಾರೆ.

ಶುಕ್ರವಾರ ನಗರದಲ್ಲಿ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಅವರು, ಕಾಂಗ್ರೆಸ್ ಆಡಳಿತ ರಾಜ್ಯದಲ್ಲಿ ಸರ್ಕಾರ ಸತ್ತಿದೆ ಎಂದು ಆರೋಪಿ ಸಿದರು.

ಇತ್ತೀಚೆಗೆ ಅತಿ ವೃಷ್ಠಿಯಿಂದ ಸಾಕಷ್ಟು ಬೆಳೆ ಹಾನಿಗೀಡಾಗಿದ್ದು, ಇದರ ಪರಿಹಾರದ ಬಗ್ಗೆ ಸರ್ಕಾರ ಕಿಂಚಿತ್ತೂ ಕಾಳಜಿ ವಹಿಸಿಲ್ಲ. ಕೇವಲ ಸರ್ಕಾರ ಸಮಾಜ ಹಾಗೂ ಜಾತಿಗಳನ್ನು ಒಡೆಯುವ ನಿಟ್ಟಿನಲ್ಲಿ ಕೆಲಸ ಮಾಡುತ್ತಿದೆ ಎಂದರು ಆಪಾದಿಸಿದರು.

ರಾಜ್ಯದಲ್ಲಿ ಯಾವುದೇ ಅಭಿವೃದ್ದಿ ಪರ ಕೆಲಸಗಳು ನಡೆಯುತ್ತಿಲ್ಲ. ಜಾತಿ ಗಣತಿ ನೆಪದಲ್ಲಿ ಜನರನ್ನು ದಾರಿ ತಪ್ಪಿಸುವ ಕೆಲಸ ಮಾಡುತ್ತಿದ್ದು, ರೈತರ ಪರ ನಿಲ್ಲದೆ ಕಾಲಹರಣ ಮಾಡುತ್ತಿದೆ ಎಂದರು.

ನೆರೆಯಿಂದ ಬೆಳೆಹಾನಿಯಾದ ರೈತರ ಹೆಕ್ಟರ್ ಒಂದಕ್ಕೆ ೮೫೦೦ ಹಾಗೂ ಮನೆ ಬಿದ್ದಲ್ಲಿ ೧,೨೦,೦೦೦ ಸಾವಿರ ರೂ. ಪಾತ್ರೆ, ಪಗಡು ಕಳೆದುಕೊಂಡವರಿಗೆ ೫ ಸಾವಿರ ರೂ. ಪರಿಹಾರ ಘೋಷಣೆ ಮಾಡಬೇಕು. ಆದರೆ ಇಲ್ಲಿವರೆಗೂ ಕಾರ್ಯಗತವಾಗಿಲ್ಲ. ನಮ್ಮ ಸರ್ಕಾರದ ಅವಧಿಯಲ್ಲಿ ೨೦೧೯ ರಲ್ಲಿ ಪ್ರವಾಹ ಬಂದಾಗ ಆಗಿನ ಮುಖ್ಯಮಂತ್ರಿ ಯಡಿಯೂರಪ್ಪನವರು ರೈತರ ಸಂಕಷ್ಟಕ್ಕೆ ಕೂಡಲೇ ಸ್ಪಂ ದಿಸಿ ಯೋಗ್ಯ ಪರಿಹಾರವನ್ನು ನೀಡಿದ್ದರೂ. ಕಾಂಗ್ರೆಸ್ ಸರ್ಕಾರ ಅಧಿಕಾರಕ್ಕೆ ಬಂದ ನಂತರ ರೈತರ ಪರ ಕಲ್ಯಾಣ ಯೋಜನೆಗಳನ್ನು ನಿಲ್ಲಿಸಿದೆ ಎಂದು ಹೇಳಿದರು.

ಸುದ್ದಿಗೋಷ್ಠಿಯಲ್ಲಿ ಸತ್ಯನಾರಾಯಣ ಹೇಮಾದ್ರಿ, ಶಿವಾನಂದ ಸುರಪುರ, ಮುತ್ತು ಉಳ್ಳಾಗಡ್ಡಿ ಇದ್ದರು.